USAID kontribui ona besik millaun ida pontu lima hodi luta hasoru COVID-19 iha Timor-Leste iha adisionál ba programa adaptasaun hodi hasoru dezafiu ne’ebé iha.
Ajénsia Estadus Unidus ba Dezenvolvimentu Internasionál iha Timor-Leste servisu hamutuk ho Governu Timor-Leste hodi ajuda nasaun redúz afetasaun husi pandémia mundiál COVID-19 iha Timor-Leste. Jenerosidade Povu Amerikanu nian fornese ona millaun ida pontu neen ba esforsu ida ne’e. USAID adapta ba iha programa ne’ebé eziste hela hodi hasoru dezáfiu ne’ebé iha.
USAID Nia Orsamentu
USAID fornese ona millaun ida pontu ida liu husi USAID nia Fundu Rezerva Emerjénsia Mundiál Saúde hodi ajuda governu prepara sistema laboratóriu, ativu ba buka kazu no tau matan ba iha atividade risku sira, apoiu espertu tékniku ba responde no preparasaun, komunikasaun risku, prevensaun no kontrolu infesaun, no seluk tan. USAID mós kontribui ona rihun atus lima ba UNICEF ba komunikasaun risku, divulgasaun ba iha komunidade, no kontrolu infesaun no bee no saneamentu iha klinika saúde iha munisípiu sira balu.
USAID NIA Programa Adaptasaun
USAID nia Projetu Reforma Aduaneira ajuda Autoridade Aduaneira halo lalais prosesu de liberasaun ba lista esensiál ba material COVID-19. Aliansa Solusaun Plástiku, ne’ebé inklui USAID, distribui fatin fase liman ne’ebé mak halo husi plástiku. USAID’s nia Projetu Turizmu Ba Ema Hotu dezenvolve ona Inisiativa Foun Turizmu nian hodi ajauda indústria turizmu bele rekoopera durante COVID-19. USAID nia Atividade Hasa’e Reziliénsia Komunidade nina iha Oecusse, distribui planfletu prevensaun COVID-19 no telefone ba lider komunitária sira ho mensajen prevensaun nian. Hakbi’it organiza soromutu dahuluk iha Timor-Leste ho parseiru sira konaba COVID-19 iha munisípiu Covalima. Aduaneira no USAID nia Projetu Avansa Agrikultura halo treinamentu virtual hodi garante sira nia esforsu edukasaun nian kontinua. Avansa mós servisu hamutuk ho PNTL hodi fornese karta notifikasaun ba agrikultores sira no koletór modo hodi bele nafatin lori sira nia modo ba iha merkadu. Parseiru Implementadór USAID nian balu fornese transportasaun ba ofisiais governu nian hodi lori subsidiu COVID-19 ba komunidade sira iha Timor-Leste.
PROJETU OFDA
USAID nia Eskritóriu ba Asisténsia Dizastre Estranjeiru kontribui millaun tolu nulu ba Programa Aihan Mundiál (WFP) nia servisu Lojistiku Mundiál ne’ebé inklui mós Timor-Leste. Parseiru Umanitariu ne’ebé mak eziste ajuda mós esforsu ne’ebé iha. Ezemplu, liu husi Haforsa Kapasidade Institusionál ba Redusaun Risku Dezastre no Jestaun iha Timor-Leste liu husi IOM iha koordenasaun ho Ministériu Saúde ba responde COVID-19 ne’ebé di’ak ba komunidade sira iha fronteira no distribui ona planfletu no estiker ba prevensaun nian. Husi Red Cross Ready fó treinamentu ba ekipa kruz vermella nian, hadi’a kapasidade ba hato’o relatóriu orsamentu nian hodi responde ba COVID-19 no hadi’a kapasidade IT Cruz Vermella nian hodi ba responde ne’ebé iha. Husi Reziliensia Di’ak servisu hamutuk ho Ministériu Agrikultura no Peska no ONG lima hodi produz avaliasaun konaba seguransa aihan iha Timor-Leste no funsionamentu merkadu, fó governu no parseiru dezenvolvimentu dalan ne’ebé foun hodi luta hasoru inseguransa aihan.
