DILI, December 9, 2021 – Ohin, Estadus Unidus liu husi ninia Ajénsia Estadus Unidus ba Dezenvolvimentu Internasionál (USAID) anúnsia grante millaun 1.5 – dollar Amerikanu ba Fundu Labarik Nasoins Unidas (UNICEF) hodi apoiu nasaun nia responde ba COVID-19 iha Timor-Leste. Apoiu ne’e sei ajuda kontinuasaun maternal esensiál, labarik foin moris no servisu saúde labarik iha Timor-Leste laran tomak, habelar kampaña vasinasaun COVID-19 ba populasaun tomak, hadi’a prevensaun no kontrolu ba infesaun iha numeru sentru saúde komunitária no promove komportamentu prevensaun COVID-19.
Akordu apoiu ne’e anúnsia ona husi Enkaregadu Xefe Estadus Unidus Tom Daley no UNICEF ninia Reprezentativu Bilal Durrani iha seremónia iha eskritóriu Ministériu da Saúde ne’ebé sei marka prezensa husi Ministra da Saúde Dra. Odete Maria Freitas Belo
“Estadus Unidus kontente hodi aumenta apoiu adisionál ba apoiu iha COVID-19 hodi ajuda Timor-Leste hasoru fila fali pandémia ne’e,” hatete Enkaregadu Xefe Estadus Unidus Tom Daley. “Hapara pandémia no prevene no prepara ameasa ba futuru seguransa saúde globál presiza kolaborasaun husi nasaun hotu no komitmentu koletiva hodi servisu hamutuk. Timor-Leste bele kontinua hodi sura apoiu ne’ebé Estadus Unidus fornese ba luta hasoru COVID-19.”
Millaun 1.5-dollar Amerikanu sei ajuda fornese ekipamentu protesaun personál ba sentru saúde komunitária 71 no autoridade saúde munisípiu 13 hodi aumenta fila fali ekipamentu sira, proteze servidór saúde sira, redúz transmisaun no kontribui ba kontinuasaun fornesimentu servisu saúde maternal, foin moris no labarik ho kualidade. Fundu ne’e mós sei ajuda fornese konsentratór oxijéniu ba fasilidade izolamentu iha Dili no hodi fornese terapía oxijeinu kritiku ba pasiente husi kazu COVID-19 iha Ospitál Nasionál Guido Valadares no ospitál rejionál lima.
Asisténsia husi Povu Amerikanu sei ajuda hadi’a fasilidade bee mos, saneamentu no ijiéne iha sentru saúde komunitária 14 iha munisípiu Baucau, Covalima, Dili, Ermera no Manatuto ba prevene no kontrolo infesaun no hasa’e koñesimentu konaba sasukat prevensaun COVID-19 no vasinasaun iha teritóriu Timor-Leste laran tomak. Ho kontribuisaun ne’e, asisténsia Estadus Unidus hodi ajuda luta hasoru COVID-19 agora atinje besik millaun 5.9-dollar Amerikanu no vasina Pfizer hamutuk 100,620.
Alokasaun foun ne’e husi Governu Estadus Unidus ba UNICEF mai iha tempu ne’ebé kritiku tebes hodi responde ba COVID-19 iha Timor-Leste bainhira kazu pozitivu sei nafatin rejista iha kada loron, no kontinuasaun ekipamentu kritíku presiza tebes hodi hare pasiente hudi infesaun COVID-19 no salva vida, no bainhira ita lansa kampaña vasinasaun ba labarik idade menus husi tinan 12 to tinan 17,” hatete Dra. Odete Maria Freitas Belo, Ministériu da Saúde. “Fundu ne’e sei kontribui asaun ne’ebé sei kontribui ba hare impaktu husi COVId-19 iha Timor-Leste, liu husi prevensaun, tratamentu no vasinasaun ba populasaun vulneravél sira.”
Fundu foun ba UNICEF hola parte iha inisiativa dahuluk entre USAID-UNICEF ne’ebé mak benefísia ema besik 480,000 liu husi hadi’a prevensaun no kontrolu infesaun no asesu ba fasilidade bee moos, saneamentu no ijiene iha sentru saúde komunitária 20 iha munisípiu lima. Inisiativa ne’e atu kobre populasaun kuaze 650,000 liu husi koñesimentu uma ba uma hodi haforsa esforsu ba prevensaun COVID-19 no fornese sentru saúde komunitária 15 ho ekipamentu prevensaun no kontrolu infesaun mak hanesan ekipamentu ba fase liman no hamoos nian.
Fundu ne’e sei kontribui ba UNICEF nia responde ba COVID-19 ne’ebé foka bai ha hadi’a asesu ba servisu saúde, inklui servisu importante sir aba nutrisaun, imunizasaun rutina no kuidadu saúde ba inan no labarik, hadi’a asesu ba estuda distánsia do’ok nian no eskola ne’ebé seguru, protesaun labarik no protesaun sosiál.
UNICEF lidera ona apoiu bai ha Governu Timor-Leste dezde inísiu iha aspetu hotu ba luta hasoru COVID-19, iha dezenvolvimentu, operasionalmente no fornesimentu ba Planu Dezenvolvimentu Vasina Nasionál ba vasinasaun COVID-19.” Hatete Reprezentate UNICEF iha Timor-Leste Bilal Durrani. “Ami ninia parseria hamutuk ho USAID ajuda ami kobre ema besik millaun 1.1 durante ne’e. Fundu ne’e sei ajuda hasa’e eskala esforsu ba kobre ema rihun ba rihun ho informasaun, hadi’a prevensaun no kontrolu infesaun, apoiu ba tratamentu ba kazu COVID-19, no garante katak labarik no inan simu kuidadu saúde ne’ebé esensiál ba salva vida nian.”
Cris Guterres/USAID